Main Page Main Page Feedback Main Page Ads Page
Geodles.Com-Georgian Dle Support
რა უნდა ვიცოდეთ საიტის შექმნისას? მცირედი მიმოხილვა ნაწილი 1

საიტის შექმნა არ არის ისეთი მარტივი, როგორც დღეს უმეტესობას ჰგონია. საიტის შექმნა არ არის მარტო რომელიმე ძრავის დაყენება უფასო ან ფასიან ჰოსტზე და დიზაინის დაყენება, ან უქოზზე ან სხვა რომელიმე უფასო ჰოსტზე რეგისტრაცია.სინამდვილეში საიტის შექმნა და მისი განვითარება საკმაოდ შრომატევადი საქმეა.პოპულარულობა ერთ-ორ დღეში არ მოდის, საიტს მუდმივად სჭირდება ზრუნვა.მისი საძიებო სისტემებში ინტეგრაცია და სწორი სეო ძალიან მნიშვნელოვანია საიტის შემდგომი განვითარებისთვის.გადავწყვიტე მცირედი გაკვეთილი დამეწერა რა უნდა იცოდეთ აუცილებლად საიტის შექმნისას.

შეიძლება ზოგი შემომედაოს, რომ თუ ფული გაქვს რეკლამებისთვის პოპულარულობასაც ადვილად მოიხვეჭ საიტზე. გარკვეულწილად მართალიც არის, რადგან ფული ძალიან მნიშვნელოვანი ფაქტორი არის საიტის შექმნისას. მაგრამ საჭიროა რომ იცოდეთ სად დადოთ რეკლამა, როგორ აუდიტორიაზე თვლით საიტს. მაშ ასე ქვევით ნაწილობრივ მცირედით მიმოვიხილავ ამ ყველაფერს.

დაიმახსოვრეთ საიტის შექმნის დროს ძალიან მნიშვნელოვანია დომეინის სწორად შერჩევა.უნდა ეცადოთ რომ დომეინი შეარჩიოთ ისეთი, რომელიც ასახავს საიტის თემატიკას, ამით საძიებო სისტემებში უფრო გაგიადვილდებათ მოხვედრა.დღეს ბევრი დომეინს იღებს ისე რომ არ უყურებს მის მნიშვნელობას, ძალიან ცოტა არის ისეთი ადამიანი, ვინც დომეინს გათვლის საძიებო სისტემებზე და სეოზე. მაგალითად თუ თქვენ აკეთებთ ფილმების საიტს, რომელზეც მომხმარებელი ნახავს ინფორმაციას ფილმებზე და აიღეთ მაგალითად: sporti.ge ანა არაფრისმთქმელი რამე 3-4 ასოიანი დომეინი. რათქმაუნდა ეს ცუდათ იმოქმედებს საიტზე სეოსთან მიმართებაში, მაგრამ რათქმაუნდა ყველაფერი მარტო დომეინზე არ არის დამოკიდებული, თუმცა როგორც ზევით ვთქვი მაინც ერთ-ერთი მნიშვნელოვანი ფაქტორი არის.ამიტომ სანამ დომეინს აიღებთ მანამდე განსაზღვრეთ რამდენად შეესაბამება ეს დომეინი თქვენი საიტის თემატიკას, ასევე დაიმახსოვრეთ უფასო დომეინებით ან უფასო ან ფასიანი ქვედომეინებით წარმატების მიღწევა გაგიჭირდებათ.

შემდეგ არის ჰოსტინგი. ჰოსტინგის არჩევაც ძალიან საპასუხისმგებლო საქმეა, დღეს ყველა ჰოსტინგის გთავაზობთ 99.9% გარანტიას რომ ჰოსტინგი არ გაითიშება, მაგრამ 98% შემთხვევაში ეს მხოლოდ მარკეტინგული გათვლაა და რეალურად ეს მაჩვენებელი ბევრად დაბალია, რათქმაუნდა აქ ყველა ჰოსტზე არ არის საუბარი, ამ შემთხვევაში აქცენტს ვაკეთებ ქართულ ჰოსტებზე.ჰოსტის გათიშვა ძალიან ცუდათ აისახება საძიებო სისტემებში თქვენი საიტის მდგომარეობაზე.რადგან ბოტი შეიძლება სწორედ იმ დროს შემოვიდეს საიტზე როცა ჰოსტი გათიშულია ან თქვენ გაქვთ გარკვეული მიზეზების გამო გათიშული, ამიტომ ეცადეთ საიტი ხშირად არ გათიშოთ.ამ შემთხვევაში ბოტი მიზეზს არ უყურებს რატომ არის გათიშული, ის ხედავს რომ საიტი არის გათიშული, რაც ავტომატურად გამოიწვევს საიტის საძიებო სისტემებში ქვევით ჩასვლას. მაგრამ არის ასევე მეორე აუცილებელი პირობა რაც უნდა ჰქონდეს ჰოსტინგს.ეს არის კარგი გლობალი, რათა საიტი უცხოელი ვიზიტორების შემოსვლის დროს არ ჭედავდეს და არ იტვირთებოდეს ნელა, ან რაღაც პერიოდებში არ ფერხდებოდეს შემოსვლა.ასევე აუცილებელია საიტის სწრაფად ჩატვირთვა. ამიტომ სანამ ჰოსტინგს აირჩევდეთ გადაამოწმეთ რა პირობებს გთავაზოვენ, რამდენად დაცული იქნება თქვენი საიტი,ასევე ტრეფიკი რამდენი ექნება.ბევრ ჰოსტინგს უწერია ულიმიტო და დარწმუნდით ნამდვილად არის თუ არა ულიმიტო.

ძრავი.ამ შემთხვევაშიც არანაკლები ყურადღება გმართებთ. სანამ ძრავ აირჩევთ სჯობია განსაზღვროთ წინასწარ, რა თემატიკის საიტს აკეთებთ, როგორი მოდულები, პლაგინები ან კომპონენტები სჭირდებათ და რაც მთავარია რომელ ძრავთან მუშაობა იცით უკეთ. საქართველოში ამ მხრივ სამი ძრავი არის ცნობილი: datalife engine (DLE), joomla, wordpress.

დავიწყოთ თითოეულის მოკლე განხილვით.

დლე ფასიანი არის, მაგრამ საქართველოში თითქმის ყველა საიტი იყენებს M I D team-ის განულებულს. ეს ნამდვილად არ არის კარგი გადაწყვეტილება, რადგან განულებლს აქვს შედარებით ნაკლები დაცვა, რადგან შეცდომები სრულად განულების დროს ეპარებათ.მაგრამ ყველაზე მნიშვნელოვანი რაც არის ახალ ვერსიაზე გადასვლა ძალიან გაგიჭირდებათ, რადგან განულებული ბაზას სრულად არ ანახლებს, ანახლებს მხოლოდ ბაზის ძირითად კატეგორიებს და დაგჭირდებათ დანარჩენი ქვეკატეგორიების ხელით ჩამატება.მაგალითად: 8.3 ვერსიაში, ბაზაში არის 28 ძირითად კატეგორია, სადაც ერთ-ერთ კატეგორიაში არის კიდევ 3 კატეგორია, ზოგში 2 და ა.შ. ხოლო უკვე 9.5 ვერსიაში ძირითადი არის 35 კატეგორია, ხოლო სადაც 3 იყო იქ არის უკვე 7 ან 8 ქვეკატეგორია, როდესაც განულებულით ანახლებთ თქვენ შედეგად მიიღებთ რომ 9.5 ვერსიაზე განახლების შემთხვევაში გექნებათ ძირითადი 35 კატეგორია მაგრამ ქვეკატეგორიები ისევ 3 დაგრჩებათ.რაც გამოიწვევს ბაზის გაუმართაობას და საიტის ძალიან ცუდათ მუშაობას.იქნება შენელებები, სხვადასხვა შეცდომებს ამოგიყრით და ა.შ. დლეზე ძირითადა კეთდება ვარეზი, პორნო, სპორტული საიტები.დლეზე სხვა ძრავებისგან განსხვავებით ადმინპანელი და დიზაინი არის ძალიან მარტივი. დამწყებებსაც კი არ გაუჭირდებათ მისი ათვისება.

joomla. ჯუმლა დლესგან განსხვავებით ოფიციალურად არის უფასო, გამოირჩევა დახვეწილი და ყველა თემატიკაზე შესაფერისი დიზაინებით, აქვს მაღალი დონის დაცვა. ასევე აქვს ძალიან კარგი სეო კომპონნტები, პლაგინები. ასევე მასზე ბევრად ფუნქციონალურ საიტს გააკეთებთ ვიდრე დლეზე.რადგან აქვს ძალიან კარგი მოდულები, პლაგინები, კომპონენტები. ჯუმლაზე ყველა თემატიკის საიტის გაკეთება შეიძლება.მასზე დიზაინებს უშვებენ პროფესიონალებით დაკომპლექტებული სტუდიები და მათი ლიცენზია სულაც არ ღირს ძვირი, საშუალოდ 80 ლარიდან იწყება.ასევე კომპონენტებსაც, მოდულებსაც და პლაგინებსაც უშვებენ სტუდიები. მათი 98% არის უფასო, ხოლო რაც ფასიანი არის არ არის ძვირი.

wordpress მსოფლიოში ყველაზე პოპულარულ ძრავად ითვლება, მასზე ძირითადა აკეთებენ ბლოგებს, სპორტულ საიტებს, ვებ სტუდიის საიტებს, პორტფოლიოებს, ახალი ამბების საიტს და თამაშების საიტს, მაგრამ ეს არ ნიშნავს იმას რომ მასზე სხვა თემატიკის საიტის გაკეთება არ შეიძლება.ჯუმლასგან განსხვავებით მისი დიზაინებიდან ძალიან ბევრი არის უფასო.ასევე არის ბევრად უფრო მარტივი ასაწყობი მისი დიზაინები ვიდრე ჯუმლასი.ვორდპრესსაც აქვს ყველა თემატიკაზე პლაგინები, სეოს პლაგინები.ისიც ისევე როგორც ჯუმლა არის ოფიციალურად უფასო.

დიზაინი. დიზაინიც ძალიან მნიშვნელოვანი არის საიტისთვის, რადგან მომხმარებელს რაც პირველი თვალში ხვდება ეს არის საიტის ვიზუალური მხარე.ამიტომ ეცადეთ შეარჩიოთ ლამაზი დიზაინი, რომელიც შესაბამისი იქნება თემატიკასთან და არ ააჭრელოთ ზედმეტი ბანერები.ასევე არ გირჩევთ პოპუპ ბანერებს, რადგან მომხმარებელთა უმეტესობას დაკარგავთ ამით.

სეო. როდესაც ძრავს ატვირთავთ დააყენებთ, დიზაინს დააყენებთ საიტი მზად არის. ახლა დარჩა მასზე სიახლეების დამატება და მისი საძიებო სისტემებში რეგისტრაცია.საწყის ეტაპზე სანამ საძიებო სისტემებში დაარეგისტრირებთ დაგჭირდებათ სწორი keyword-ების მოძებნა, რომლითაც დაიანახავ საძიებო სისტემა. ზოგს ჰგონია, რომ თუ ბევრ სიტყვებს ჩაწერს keyword-ში ეს პლიუსი იქნება მისი საიტისთვის, ეს ასე სულაც არ არის.არ არის აუცილებელი ბევრი keyword-ის დაწერა, მთავარია სწორად შეარჩიოთ და შეესაბამებოდეს საიტის თემატიკას.სეო არ არის იოლი, არც ერთ-ორ დღეში კეთდება.მას სჭირდება გარკვეული დრო. ასევე მნიშვნელოვანი ფაქტორია site title. თქვენ სწორად უნდა შეარჩიოთ თქვენი საიტის დასახელება, რათა საძიებო სისტემებმა უფრო მარტივად დაინახოს და ადვილად დაინდექსირდეს, ეს აუცილებელი წინაპირობაა კარგი სეოსთვის.
შემდეგ უნდა გაიაროთ რეგისტრაცია გუგლში და დაამატით თქვენი საიტი, შექმნათ გუგლის რუკა, რომელსაც ატვირთავთ თქვენი საიტის მთავარ დირექტორიაში, ამის საშუალებით ადვილად მიაწვდით სწრაფად ინფორმაციას საძიებო სისტემებს. მაგრამ მხოლოდ ეს არ კმარა, კარგი სეოსთვის აუცილებელია უნიკალური კონტენტი. თუ თქვენ სტატიებს აკოპირებთ სხვა საიტებიდან ეს არის ძალიან ცუდი. უნიკალურ კონტენტს საძიებო სისტემა დიდ უპირატესობას ანიჭებს. თავდაპირველად კი კარგი იქნება თუ მინიმუმ 10 გვერდი მაინც გექნებათ უნიკალური სტატია საიტზე.ასევე გაითვალისწინეთ რომ დაბლოკილი საიტების ბანერის დადება, ასევე ცუდი ფეიჯ რანკი ვისაც აქვს თქვენს საიტზე ცუდათ იმოქმედებს, ასევე ბევრი ლინკების დადება სხვა საიტების, ასევე ბევრი ბანერის დადება. სეოზე მოკლედ ვერ დავწერთ, ეს არის ძალიან დიდი თემა, მაგრამ შევეცადე მოკლედ ამეხსნა ძირითადი წინაპირობები კარგი სეოსთვის. ვინც სეო არ იცის რა არის. ეს არის საძიებო სისტემებში საიტის ოპტიმიზაცია, თუ კარგი სეო გექნებათ საძიებო სისტემებში უფრო მაღალ საფეხურზე ახვალთ და ამით თქვენ დროთა განმავლობაში დღეში მინიმუმ 1000 კაცი გეყოლებათ მარტო საძიებო სისტემებიდან, შემდეგ უფრო და უფრო მეტი.


იმედია გარკვეული წარმოდგენა შევუქმენი მას ვინც არ იცოდა ეს მცირედი საიტის შექმნამდე, იმედი მაქვს კომენტარებს არ დაიშურებთ, თუ რამე ვერ გაიგეთ დაწერეთ კომენტარებში.

+16
ავტორი: gio555 ნანახია: 2403 | კომენტარი: 13 | News, Other, Tutorials | 5-03-2012, 22:11
13By: SergY14 Elite Members
 
gio555, მაგარი სიახლეა საღოლ
 
 
  31 მარტი 2012 16:45    
 
12By: lasha-1004 მოსწავლე
 
ციტატა: gio555
პროსერვისი, აიტიდისი, პროჰოსტინგი.

მადლობა
 
 
  6 მარტი 2012 15:38    
 
11By: gio555 Moderators
 
პროსერვისი, აიტიდისი, პროჰოსტინგი.
სკაიპში და პმში არავის ვეხმარებით და ტყუილად ნუ მწერთ,ყველა მსგავსი შინაარსის პმ დარჩება უპასუხოდ. კითხვები ფორუმზე.
 
 
  6 მარტი 2012 15:35    
 
10By: lasha-1004 მოსწავლე
 
ყოჩაღ გიო ნამდვილად კაი სტატიაა 14 (საქ-ში ყველაზე კაი ჰოსტი რომელია თქვენი აზრით?)
 
 
  6 მარტი 2012 15:27    
 
9By: LEVIGATOR Elite Members
 
მართლა კაი თემაა წაკითხვა მეზარება რა უნდა ეწეროს რაც მე არ ვიცი :D:D:D:D:D:P საღოლ კარგია ესეთი თემები ჭირდებათ დღეს ბევრს
 
 
  6 მარტი 2012 01:01    
 
8By: gio555 Moderators
 
დიზაინების ლიცენზიას ვგულისხმობ, რომელსაც პროფესიონალი დიზაინერებით დაკომპელქტებული სტუდიები უშვებენ, თითო სტუდია თვეში ერთ დიზაინს უშვებს.ასევე ფასიანი არის ზოგი მოდული და კომპონენტი.თვითონ ჯუმლა უფასოა.
სკაიპში და პმში არავის ვეხმარებით და ტყუილად ნუ მწერთ,ყველა მსგავსი შინაარსის პმ დარჩება უპასუხოდ. კითხვები ფორუმზე.
 
 
  5 მარტი 2012 23:57    
 
7By: Mr.Black And White Elite Members
 
კარგი გიო 14
 
 
  5 მარტი 2012 23:49    
 
6By: haimorita Uploader
 
კაია მომჭონს მართლა კაი ა
 
 
  5 მარტი 2012 23:30    
 
5By: wilo Elite Members
 
ციტატა: mecniera
მპლექტებული სტუდიები და მათი ლიცენზია სულაც არ ღირს ძვირი

დიზაინი იყო მგონი მაგ ციტატაში ხსენებული:)
 
 
  5 მარტი 2012 23:29    
 
4By: mecniera მოსწავლე
 
მასზე დიზაინებს უშვებენ პროფესიონალებით დაკომპლექტებული სტუდიები და მათი ლიცენზია სულაც არ ღირს ძვირი


რის ლიცენზიას გულისხმობ, როგორც ვიცი ჯოომლა უფასოა,
 
 
  5 მარტი 2012 22:54    
 
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.






რა სისტემაზე მუშაობთ

დამწყები ვარ
უქოზზე
დლეზე
ჯუმლაზე
ვორდპრესზე
რამოდენიმეზე ერთდროულად



topnews

© 2009-2012 Powered By Geodles.Com